Welcome, Guest
Username: Password: Remember me

TOPIC: ياپچان ۋەقەسىگە ئەسلا سۈكۈت قىلىپ تۇرالمايمىز

ياپچان ۋەقەسىگە ئەسلا سۈكۈت قىلىپ تۇرالمايمىز 27 Set 2016 09:21 #1

  • Anonymous
  • Anonymous's Avatar
دئۇق باياناتى : ئابدۇقادىر ياپچان ۋەقەسىگە ئەسلا سۈكۈت قىلىپ تۇرالمايمى
ز !

يوللانغان ۋاقتى:2016-09-26 | سەھىپە: د ئۇ ق تەرىپىدىن چىقىرىلغانلار پائالىيەتلەر
دۇنيا ئۇيغۇر قۇرۇلتىيى
2016-يىل 9-ئاينىڭ 26-كۈنى


دۇنيا ئۇيغۇر قۇرۇلتىيى، ۋەتەن ئىچى ۋە سىرتىدىكى پۈتۈن شەرقىي تۈركىستانلىقلارنىڭ خەلقئارادىكى ئالى دەرىجىلىك ۋەكىللىك ئورگىنى بولۇش سۈپىتى بىلەن، ئۇزۇن يىللاردىن بۇيان تۈركىيىدە ئىستانبۇل شەھىرىدە ئىستىقامەت قىلىپ تۇرىۋاتقان مەشھۇر ئۇيغۇر جامائەت ئەربابى ۋە دىنىي ئالىمى ئابدۇقادىر ياپچان ئەپەندىمنىڭ 2016 – يىلى 8 – ئاينىڭ 31 – كۈنى ئىستانبۇلدا تۈركىيە جۇمھۇرىيىتى قانۇن ئورگانلىرى تەرىپىدىن تۇتقۇن قىلىنىش ۋەقەسىگە جىددى شەكىلدە دىققەت قىلىپ كەلمەكتە.



2016 – يىلى 9 – ئاينىن 24 – كۈنى دۇنيا ئۇيغۇر قۇرۇلتىيى دائىمىي كومىتېتى مىللىي رەھبىرىمىز ۋە رەئىسىمىز رابىيە خانىمنىڭ بىۋاستە رىياسەتچىلىكىدە مەخسۇس ئابدۇقادىر ياپچان ۋەقەسى ھەققىدە ئالاھىدە يىغىن چاقىرىپ، بۇ ھەقتە جىددى ئورۇنلاشتۇرۇش ئېلىپ باردى.



ۋەتەن ئىچى ۋە سىرتىدىكى پۈتۈن شەرقىي تۈركىستانلىقلارنىڭ نەزىرىدە تۈركىيە جۇمھۇرىيىتى ئۆزلىرىنىڭ ئىككىنچى ۋەتىنىدىن ئىبارەت، ھازىرغا قەدەر تۈركىيە جۇمھۇرىيىتى ۋە بۈيۈك تۈرك خەلقى باشتىن – ئاخىرى ئاسارەت ئاستىدا زۇلۇم چېكىۋاتقان شەرقىي تۈركىستان خەلقىنىڭ ھامىيسى ۋە باشپاناھى بولۇپ كەلدى، ئۇيغۇر خەلقىنىڭ تۈركىيە جۇمھۇرىيەتىگە ۋە تۈرك خەلقىغە يۈكسەك دەرىجىدە مىننەتدارلىقنى، سۆيگۈسى ۋە مۇھەببىتى بار ! شۇنىڭ ئۈچۈنمۇ دۇنيا ئۇيغۇر قۇرۇلتىيى ھازىرغا قەدەر ئابدۇقادىر ياپچان ۋەقەسىگە مۇئامىلە قىلىشتا تۈركىيە جۇمھۇرىيىتىنىڭ خەلقئارادىكى ئوبرازىغا ۋە شەرقىي تۈركىستان خەلقىنىڭ قەلبىدىكى چەكسىز سۆيگۈسىگە سەلبىي تەسىر يەتكۈزۈپ قويۇشتىن ئۆزىنى قاچۇرۇپ كەلدى.



ئەپسۇسكى، ئابدۇقادىر ياپچاننىڭ ئاخىرقى قېتىم تۇتقۇن قىلىنغان ۋاقتىنىڭ ئۇزۇراپ كېتىشى، دۇنيا ئۇيغۇر قۇرۇلتىيىنى جىددى ئەندىشىگە سالماقتا، مۇھاجىرەتتىكى ئۇيغۇرلارنىڭ بۇ ۋەقەگە بولغان نارازىلىقلىرى ۋە قارشى ئىنكاسلىرىمۇ كۈندىن – كۈنگە ئېشىپ بارماقتا. بىزنىڭ ئاساسلىق تەلىپىمىز يەنىلا ئابدۇقادىر ياپچان ۋەقەسىنىڭ تۈركىيىدىن ھالقىپ كەتمىگەن ئاساستا ئادىللىق بىلەن بىرتەرەپ قىلىنىشىنى ۋە ئابدۇقادىر ياپچان ئەپەندىمنىڭ تېزرەك ھۆرلۈككە ئېرىشىشىنى ئارزۇ قىلىمىز.



ھازىرغا قەدەر ئۆزلىرىنىڭ قان قېرىندىشى ھېسابلانغان ئۇيغۇرلارغا ئىزچىل تۈردە ئىگە چىقىپ كەلگەن، خىتاينىڭ زۇلمىدىن قېچىپ چىققان مىڭلىغان ئۇيغۇرلارنى ئىللىق باغرىغا باسقان تۈركىيە جۇمھۇرىيىتىنىڭ ۋە ھۆكۈمىتىنىڭ ئابدۇقادىر ياپچان مەسىلىسىنىمۇ ئۇيغۇر قېرىنداشلىرىنىڭ دىلىنى رەنجىتمىگەن شەكىلدە ئادىللىق بىلەن ھەل قىلىدىغانلىقىغا ئىشىنىمىز، ئابدۇقادىر ياپچان ئەپەندىمنىڭ تېزرەك ئەركىنلىككە ئېرىشىشى، مۇھاجىرەتتە ياشاۋاتقان پۈتۈن ئۇيغۇرلارنىڭ، شۇنداقلا پۈتۈن ئۇيغۇرلارغا ۋەكىللىك قىلىۋاتقان دۇنيا ئۇيغۇر قۇرۇلتىيىنىڭ نۆۋەتتىكى ئەڭ جىددى ۋە ئەڭ ئاساسلىق ئارزۇ ۋە تەلەپلىرىنىڭ بىرىدىن ئىبارەت !




دۇنيا ئۇيغۇر قۇرۇلتىيى

2016-يىلى 9-ئاينىڭ 26-كۈنى



D u q bayanat élan qilip türkiyeni abdulqadir yapchanni qoyup bérishke chaqirdi

D u q 9 - Ayning 26 - Küni bayanat élan qilip, 8 - Ayning 31 - Küni türkiye j x idarisi teripidin tutup kétilgen diniy erbap, uyghur paaliyetchi abdulqadir yapchanni qoyup bérishke chaqirdi.

D u q ning bayanatida mundaq déyilgen: «2016 - Yili 9 - Ayning 24 - Küni dunya uyghur qurultiyi daimiy komitéti milliy rehbirimiz we reisimiz rabiye qadir xanimning biwaste riyasetchilikide abduqadir yapchan weqesi heqqide mexsus téléfon yighini chaqirip, bu heqte jiddi orunlashturush élip bardi. Weten ichi we sirtidiki pütün sherqiy türkistanliqlarning neziride türkiye jumhuriyiti özlirining ikkinchi wetinidin ibaret, hazirgha qeder türkiye jumhuriyiti we büyük türk xelqi bashtin - Axiri asaret astida zulum chékiwatqan sherqiy türkistan xelqining bashpanahi bolup keldi. Uyghur xelqining türkiye jumhuriyitige we türk xelqighe yüksek derijide minnetdarliqi, söygüsi we muhebbiti bar. Shuning üchünmu dunya uyghur qurultiyi hazirgha qeder abduqadir yapchan weqesige muamile qilishta türkiye jumhuriyitining xelqaradiki obrazigha we sherqiy türkistan xelqining qelbidiki cheksiz söygüsige selbiy tesir yetküzüp qoyushtin özini qachurup keldi. Epsuski, abdulqadir yapchanning axirqi qétim tutqun qilinghan waqtining uzurap kétishi, dunya uyghur qurultiyini jiddi endishige salmaqta, muhajirettiki uyghurlarning bu weqeghe bolghan naraziliqliri we qarshi inkaslirimu kündin - Künge éship barmaqta. Bizning asasliq telipimiz yenila abduqadir yapchan weqesining türkiyedin halqip ketmigen asasta adilliq bilen birterep qilinishini we abduqadir yapchan ependimning tézrek qoyup bérilishini arzu qilimiz.»

Mezkur bayanatni élan qilghan dunya uyghur qurultiyi reisi rabiye qadir xanim ispaniyining barsélona shehiridin téléfon ziyaritimizni qobul qilip, abdulqadir yapchan toghrisida bayanat élan qilishtiki meqsiti toghrisida toxtilip, abdulqadir yapchangha oxshash öz millitining ghemini yégen zatlargha ige chiqish kéreklikini ipadilesh, shundaqla türkiye hökümitige bir iltimas bolsun dep bu bayanatni élan qilghanliqini dédi.

D u’q reisi rabiye qadir xanim abdulqadir yapchanning mezlum bir xelqning wekil xaraktérlik zati ikenlikini türkiye sotining adil bir terep qilishini ümid qilidighanliqini bayan qildi.

Abdulqadir yapchan 1958 - Yili 10 - Ayning 10 - Küni qeshqer yéngishehir nahiye yapchan yézisida dunyagha kelgen. 1973 - Yili 15 yash waqtida xitay dairiliri teshkilat qurdung dep eyiblep 10 yil türme jazasigha hüküm qilghan we 1979 - Yili türmidin qoyup bérilgen. 6 Yilliq türme hayati jeryanida tonulghan diniy zat abdulhekim mexsum bilen tonushqan abdulqadir yapchan ependi, türmidin chiqqandin kéyin qarghiliq nahiyesige bérip diniy telim terbiye alghan. 1990 Yili qayta türmige tashlanghan abdulqadir yapchan ependi 1993 - Yili qoyup bérilgen. Türmidin qoyup bérilip uzun ötmey 1993 - Yili qayta türmige tashlanghan abdulqadir yapchan 1996 - Yili qoyup bérilgen. Jemiy 12 yil xitay türmiside yatqandin kéyin, chetelge chiqqan abdulqadir yapchan 2002 - Yili türkiyege kelgen. Türkiyede turghan 14 yil jeryanida xitayning térrorchi dep eyiblishi bilen türkiye 2008 - Yili bir qétim tutqun qilinghan. Bu yil 20 dölet guruhi dölet rehberliri yighini chaqirilishtin kéyin tutup kétilgen idi.
Last Edit: 27 Set 2016 16:53 by Super User.
The administrator has disabled public write access.
Time to create page: 0.078 seconds
Power by: Arslan Rahman