Welcome, Guest
Username: Password: Remember me

TOPIC: Xelqaraliq kishilik hoqoq mukapatigha erishken Uyg

Xelqaraliq kishilik hoqoq mukapatigha erishken Uyg 20 Dic 2016 22:44 #1

  • Anonymous
  • Anonymous's Avatar
Xelqaraliq kishilik hoqoq mukapatigha erishken Uyghurlar


Xelqaraliq kishilik hoqoq mukapatigha erishken Uyghurlar : Rabiye Qadir, Dolqun Eysa, Ilham Tohti
2015 – yilidin buyanqi qisqighine ikki yil mabeynide, 3 neper Uyghurnung Xelqaraliq kishilik hoqoq mukapatigha erishkenliki, weten ichi we sirtidiki pütün Uyghurlarni alahide söyündürdi, shundaqla Uyghur xelqining özlirining kelgüsi teqdirige bolghan ishench tuyghulirini we milliy iradisini yenimu ashurdi.
Xelqara kishilik hoqoq mukapatigha erishken bu 3 neper Uyghur töwendikilerdin ibaret :
Rabiye Qadir :
Uyghur milliy herikitining rehbiri we Dunya Uyghur Qurultiyining reyisi Rabiye Qadir xanim, Amerikidiki < Tom Lentos kishilik hoquq we adalet fondi > teripidin 2015- Yilliq Lentos kishilik hoquq mukapatigha layiq körüldi we 2015 – yili 10 – dekabir küni, yeni Xelqara dunya insan heqliri künide Amerika döwlet meliside ötküzülgen heywetlik murasimda Rabiye xanim Lentos kishilik hoqoq medalini tapshurup aldi.
Rabiye xanim Uyghurlar ichide tunjim bolup xelqaraliq kishilik hoqoq mukapa erishken shexis bolup, Rabiye xanim 2004 – yili xitayning türmiside yetiwatqandila xelqaraliq < Rafto kishilik hoqoq mukapati > gha erishken, yene shundaqla 2006 – yilidin buyan uda birqanche qetim Nobel tenichliq mukapatigha namzat qilip körsütülgen idi.
Dolqun Eysa :
Dunya Uyghur Qurultiyining bash katipi we elge tonulghan Uyghur siyasi paaliyetchisi Dolqun Eysa ependim, Amerikidiki < kommunizm qurbanliri xatire fondi» teripidin 2016-Yilliq < Troman-Régan erkinlik médali > gha layiq körüldi we Dolqun Eysa ependim 2016 – yili 30-Mart küni Amérika paytexti washingtondiki Kapitol xil sariyida ötküzülgen mexsus murasimda xelqaraliq < Troman-Régan erkinlik médali > ni tapshurup aldi.
Ilham Tohti :
2016 – yili 10 – ayning 11 – küni, öz millitining milliy mewjutluqini we milliy alahidiliklirini qoghdap qelish yolida merdanilarche otturigha chiqip Xitay hakimiyitining heqsiz we adaletsiz siyasitige qarshi isyan bayriqini kötürüp chiqqan we bunung üchün xitayning qarangghu zindanigha mehkum bolghan Uyghur xelqining jesur oghlani Ilham Tohti ependi, xelqaradiki eng nopozluq kishilik hoqoq mukapatlirining biri hisaplanghan < Martin Ennals kishilik hoqoq mukapati > gha erishti, 11-Öktebir küni meshhur uyghur ziyaliysi ilham toxtining amérikida oquwatqan qizi jewher dadisigha wakaliten, ilham toxtigha bérilgen 2016-Yilliq martén ennalis kishilik hoquq mukapatini shwétsariyining jenwe shehiride ötküzülgen murasimda tapshuruwaldi.
Bundin bashqa Ilham Tohti ependim yene 2016 – yili Yawropa parlamenti teripidin tesis qilinghan < sakharov kishilik hoqoq mukapati > gha namzat qilip körsütülgen we axirqi 5 namzatning biri bolup bahalanghan idi.
Peqetla keyinki ikki yil ichidila yuqari 3 neper Uyghur shexisning arqa – arqidin dunyadiki nopozluq xelqaraliq kishilik hoqoq mukapatlirigha erishkenliki, nöwette Uyghurlar mesilisining resmi yosunda xelqaraliq bir mesilige aylanghanliqni, shundaqla Uyghurlar mesilisining xelqara sehnilerdiki qiziq temilarning birige aylanghanliqini körsütüp turmaqta.
The administrator has disabled public write access.
Time to create page: 0.083 seconds
Power by: Arslan Rahman